حلوة "المهراز"

 

للعجينة:

250غ مرغرين
بيضة كاملة
صفار بيضة
5 ملاعق كبيرة زيت 
5ملاعق كبيرة سكر ناعم
  5ملاعق كبيرة مايزينة
ملعقة صغيرة فانيليا
 الدقيق
الطريقة:

 نخلط جميع المكونات جيدا تم نضيف الدقيق  تدريجيا حتى نتحصل على عجينة طرية  حوالي 650غ دقيق المهم تجمع العجينة   حبسو الدقيق باش جي طرية
 شكلوها في ليمول خاصة بحلوة المهراس ( المول يتشبه للكاس الكرتوني تاع القهوة او الشاي) هذي الكمية تكفيكم من 25 الى 27 حبة
 دخلوه للفرن يطيب  حوالي 20د فرن 180° حتى يحمار  فالاطراف
الحشوة:

نيسلي كراميل جاهز و لي ما تقدرش تشريه تقدر تخدمو فالمنزل ( صراحة لي نخدمو يعجبني احسن من لي نشريه ، تاع الدار ما يجيش حلو بزاف ) المقادير
المضبوطة للكراميل المنزلي هي : كاس سكر تحطوه في كسرونة  يذوب و يحمار مليح النار تكون متوسطة ما تخلوهش يكحال باش ماجيكمش الكراميل مرّة بعد ما يذوب زيدو فوقو و هو فوق النار كاس حليب و خلطو و زيدو مباشرة نصف كاس حليب تكون ذايبة فيه ملعقة كبيرة نشاء و ملعقة صغيرة فانيليا يعني الحليب في هدي الكمية كاس و نصف :* من بعد حركو حتى تعقاد مليح كي تعقاد طفو عليها و زيدو ملعقة صغيرة مرغرين ( ملاحظة : كي تفرغو لحليب فوق السكر لي ذوبتوه راح ييبس السكر ما تتخلعوش هههههه بلعقل بلعقل و يذوب مع لحليب :* ) بعد ما طيب غطوها و خلوها تزيد تجمد من بعد ما تبرد احكمو حبات المهراس و غطسو الاطراف العلوية برك فالكراميل و زيدو غطسوها مباشرة فالكاوكاو يكون محمس ذهبي و مرحي متوسط بعد ما تكملو من تزين الاطراف ارحو كمية الكاوكاو المتبقية و خلطوها مع الكاراميل زيدو كمية من حلوة الترك على حساب ذوقكم تتحصلو على عقدة هايلا عمرو بيها حبات المهراس فوق النص و باقي الحبة نعمروه بشكلاطة الطلاء (ماكسون) نحطوها فكيس حلواني و نخرجوها على شكل غوزاس فوقو و التزين حسب الرغبة
شهية طيبة